Mattin Astigarraga

BSK-ko Sektore Publikoko Sailean dihardu (Donostiako bulegoa), eta bertan garatu du bere karrera profesional osoa. 

Hainbat forma juridiko dituzten sektore publikoko erakundeak (administrazio publikoak, merkataritza-sozietateak, fundazioak, elkarteak, zuzenbide publikoko erakundeak, eta abar) etengabe aholkatzen ditu, batez ere kontratazio publikoarekin lotutako gaietan. 

Lizitazio eta kontratazio prozesu askotan izan duen parte hartzea azpimarratzekoa da; prozesu horien fase guztiak landu ditu: pleguak idaztea, prozedurak garatzea, kontratua gauzatzean izandako gorabeherak, kontratu aldaketak eta ebazpenak… 

Lizitazio prozedura osoan zehar sor daitezkeen gai guztietan aholkatzen aditua da, bai eta lizitazio elektronikoa izapidetzean eta kontratatzailearen profilean iragarkiak argitaratzean sortutako zalantzak argitzen ere. 

Fundazioei aholkularitza eta laguntza ematen ere esperientzia handia du, Euskal Autonomia Erkidegoko eta Estatuko Erregistro eta Babesletzarekin dituzten harreman guztietan.