Jon Somocueto

BSKren Zuzenbide digitaleko eta Merkataritza departamentuetara atxikia dago eta bulegoko bazkidea da. 

Bere ibilbide profesionalaren hasieratik merkataritza zuzenbidearen arloan jardun du, bereziki enpresa zuzenbidean, merkataritza kontratazioan, inbertsio akordioetan eta bat-egite eta eskurapenetan. Halaber, nabarmentzekoa da hainbat sektoretako enpresei egunerokotasunean ematen dien aholkularitza zerbitzua, bai eta enpresak erosteko eta saltzeko edota sozietate berrantolaketa operazioetan izan duen parte hartzea. 

Era berean, espezializazio maila handia garatu du zuzenbide digitalaren arloan, mota guztietako konpainiei aholkularitza ematen hainbat eta hainbat gaietan, hala nola, literatura, arte eta ikus-entzunezko obren babesa, defentsa eta negozio juridikoak; softwarea eta jabetza intelektualeko beste eskubide batzuk; IA kudeatzeko barne politiken diseinua eta ezarpena; lan arloko eskubide digitalak; pribatutasunaren arloko aholkularitza; datuak babesteko kanpo ordezkariaren zerbitzuak; eta bezeroak kontrol agintaritzaren aurrean ordezkatzeko zereginak, horietako batzuk aipatzearren.