Zerga zuzenbidea

Zerga zuzenbidean aditua den talde bat dugu, lurralde nazional osoan aplikatu beharreko zerga araudian eta, batez ere, Euskal Autonomia Erkidegoan eta Nafarroan aplikagarria den zerga zuzenbide foralean espezializatua dagoena. Zerga zuzenbidearen esparru guztietan lan egiten dugu, batez ere enpresa taldeei, familia enpresei, haien bazkideei, pertsona fisikoei eta sektore publikoko eta irabazi asmorik gabeko erakunde mota guztiei zuzenduta.

Zehazki, aholkularitza oso espezializatua eskaintzen dugu honako arlo hauetan:

Familia-enpresaren zerga zuzenbidea
Irtenbide juridiko-tributario integralak eskaintzen dizkiegu bai enpresei, bai beren bazkide pertsona fisikoei familia enpresa bat osatzen dutenean, hauek aurre egin beharreko erronken aurrean. Gure bulegoa erreferente bat da gure ingurunean familia-ondarea berrantolatzeko eta belaunaldi ondorengotzarako prozesuak diseinatzen eta ezartzen.

Zerga zuzenbide korporatiboa
Bezeroei aholkuak ematen dizkiegu eguneroko zerga betebeharrak betetzeko, beren jarduerak egituratzeko edota parte hartzen duten operazioen exekuzioan. Gure aholkularitza erabakiak hartzea erraztera bideratuta dago, ahalik eta segurtasun juridiko handienarekin, arrisku posibleak identifikatuz eta aukera posibleak hautemanez.

M&A eta Nazioartekotzea
Aktiboak inbertitzeko eta desinbertitzeko prozesuetan eta enpresak erosteko, saltzeko eta berregituratzeko operazioetan aholkularitza ematen dugu, gure bulegoko gainerako profesionalekin, beste arlo batzuetako adituekin, batera lan eginez.

Nazioarteko zerga zuzenbidean espezializatutako talde bat dugu, gure bezeroei nazioarteko inbertsio edo eragiketetan laguntzen diena, gure nazioarteko sarean (Globalaw) oinarrituta.

Zeharkako zerga zuzenbidea eta higiezinen zerga zuzenbidea
Zeharkako zergen arloko aholkularitzan espezializatutako talde bat dugu. Era berean, gure taldeak esperientzia sendoa du higiezinen operazioen aholkularitzan, inbertsioaren fase guztiak barne hartzen dituena, betiere eragiketa bakoitzean eraginkortasun handiena lortzeko helburuarekin.

Sektore publikoa eta irabazi-asmorik gabeko erakundeak
Sektore publikoko erakundeei eta organismoei eta irabazi asmorik gabeko erakundeei, hala nola fundazioei eta elkarteei, aholkularitza juridiko-tributarioan espezializatutako pertsona talde bat dugu.