Merkataritza

Gure aholkularitza merkataritza jardueraren eremu garrantzitsu guztietara zabaltzen da, sozietate-gaiak zein kontratu-gaiak barne.

Gure jardunbidearen barruan sartzen da aholkularitza ematea eguneroko enpresa jardueran: sozietateak eratzea, batzarrak eta administrazio organoen bilerak egitea, administratzaileak kargutik kentzea eta izendatzea, kapitala handitzea eta murriztea, estatutuak aldatzea, sozietateak desegitea eta likidatzea, dibidenduak banatzea, liburuak eramatea, kontu-gordailuak... Esperientzia handia dugu administrazio-kontseiluko letradu aholkulariaren/idazkariaren funtzioak betetzen.

Estatutu sozialen/bazkideen itunen edukia lantzen dugu, gure bezeroen helburuak ulertuz eta etorkizuneko gatazkei aurrea hartzen saiatuz. Halaber, bazkideen arteko bitartekaritzan eta gatazken ebazpenean parte hartzen dugu, eta haien interesak defendatzen ditugu, bai judizialki, bai judizioz kanpo.

Gure bezeroei araudia betetzeari eta gobernu korporatiboari buruzko gai guztietan ere laguntzen diegu, eta zuzendarien eta administrazio organoen betebeharrak eta erantzukizuna azpimarratzen ditugu.

Era berean, mota guztietako merkataritza kontratuen definizioan, idazketan, negoziazioan eta formalizazioan parte hartzen dugu (agentzia, banaketa, fabrikazioa, hornidura, salerosketa, erabilera-lagapena, lizentzia, giltza eskura, teknologiaren transferentzia, joint-venture...), bai nazioan, bai nazioartean.