Irabazi asmorik gabeko entitateak
Gure bezeroei beren proiektuen sorreratik laguntzen diegu, sortu beharreko erakundearentzat izaera juridiko egokiena zein den aztertuz, estatutuak, barne-erregelamenduak, jarduera-planak, enpresa eta erakunde desberdinekin lankidetza-hitzarmenak eta abar prestatuz.
Erakunde horiei beren egunerokoan aholkuak ematen dizkiegu, zerbitzu-aukera zabala eskainiz. Ildo horretan, bertako organoen (patronatuak, batzarrak, zuzendaritza-batzordeak, batzordeak) idazkaritza lanak egiten ditugu, mota guztietako dokumentu juridikoak egiten ditugu, pertsonalki arduratzen gara erregistroekiko eta babesleekiko harremanetaz, eta aholkularitza ematen dugu zuzendarien eta patronatukideen erantzukizunari dagokionez.
Bereziki, eragile zientifiko-teknologiko askori ematen dizkiegu gure zerbitzuak, eta horiei berariazko aholkularitza ematen diegu kontratuen, autokontratazioaren edo startupak sortzearen arloetan. Era berean, zientzia eta teknologiako sare eta erregistro publikoetan egiten diren egiaztapen prozesuetan parte hartzen dugu.
Horretarako, irabazi-asmorik gabeko erakundeei aholkularitza ematen adituak diren profesionalak ditugula nabarmendu behar dugu, arreta berezia eskaintzen dietelarik mota horretako erakundeen espezialitate fiskalei, bereziki Sozietateen gaineko Zergaren arloan (horientzat aurreikusitako araubide berezia aplikatzeko bete beharreko baldintzak, salbuetsitako errenten tipologia...) eta Balio Erantsiaren gaineko Zergaren arloan (zergaren subjektu pasibotzat hartzea, izan daitezkeen salbuespenak aplikatzea, zergaren kengarritasun-araubidea, etab.).
Ildo beretik, mezenasgoaren eta enpresa-babesletzaren arloan aurreikusitako zerga-pizgarriak sustatzeaz arduratzen gara, elkarteen eta fundazioen interes orokorreko helburuekin lankidetzan aritu nahi duten guztientzat.
Azkenik, irabazi-asmorik gabeko erakundeek esku hartzen duten berregituraketa eta eraldaketa eragiketa askotan parte hartu dugu (bat-egiteak, elkartetik fundaziora egindako eraldaketak, merkataritza-sozietatetik fundaziora egindako aktibo eta pasiboen lagapen globalak...), konplexutasun bereziko gaiei arreta emanez (dirulaguntzak eta kontratu-ebazpenak galtzeko arriskuaren azterketa, zerga eta lan inplikazioak...).
