Familia-enpresa

Gure inguruko enpresa aitzindarietako bat izan gara Familia Protokoloen arloko aholkularitzan; oinordetza- eta belaunaldi-errelebuko prozesu asko planifikatu ditugu, bai legearen ikuspegitik, bai fiskalaren ikuspegitik, enpresaren eta familia-jabeen artean edo kideen artean sortutako gatazka anitzak prebenitzen eta konpontzen lagunduz.

Gure ustez, Familia Protokolo bat ezartzeak beti izan behar du oso prozesu hausnartua eta lasaia, eta, gainera, etengabe eguneratu behar da. Horregatik, gure lana ez da esparru-dokumentua bera (Familia Protokoloa) idazte hutsera mugatzen, garrantzi bera ematen baitiogu bai dokumentua egin aurreko faseari (inkestak, elkarrizketak, balizko arazoak antzematea, adostasunak bilatzea...), bai ondorengo faseari (dokumentua betetzea, eguneratzea, garatzea eta gauzatzea).

Horretarako, estatutuak egokitu beharra alde batera utzita, eta ia beti ezinbestekoa, esperientzia handia dugu familia-ondare garrantzitsuak berregituratzen, enpresakoak ez diren aktiboak eta enpresakoak bereizita, eta familia jabeko kide batzuk eta besteak esleituta, bakoitzaren interesen eta enpresan egunero duten benetako inplikazioaren arabera.

Testamentuen, oinordetza-itunen eta ezkontza-itunen diseinu eta ezarpen zuzena da gure burua “espezialistatzat” jotzen dugun beste nitxoetako bat, eta, zalantzarik gabe, familia-enpresak arrakastaz garatzen lagun dezake.

Horrez gain, belaunaldi-erreleboa bideragarria edo gomendagarria ez denean, inbertitzaileen bilaketan espezializatutako aholkularitza-enpresei laguntzen diegu. Kasu horietan, zuzenean eta pertsonalki esku hartzen dugu prozesu osoan, bezeroari aholkuak eta laguntza emanez.